झापा । झापाको विर्तामोडस्थित सामाजिक संस्था अग्रसेन भवनले विभिन्न रचनात्मक कार्यक्रमका साथ संस्थाको रजत महोत्सव मनाउने तयारी गरेको छ ।
रजत महोत्सवका अवसरमा अग्रसेन भवनले नौदिवसीय दिव्य श्री राम कथाको आयोजना गरेको छ । आगामी चैत २२ गतेदेखि २९ गतेसम्म राम कथाको आयोजना गरिएको रजत महोत्सव प्रचार–प्रसार समितिका संयोजक सन्तोष अग्रवालले जानकारी दिए ।
अग्रसेन भवनले रजत महोत्सवका अवसरमा राम कथासहित भवनको नवनिर्मित माथिल्लो तला उद्घाटन, रक्तदान, कृत्रिम खुट्टा वितरण र योग शिविर आयोजना गरिएको आइतबार साँझ पत्रकार सम्मेलन गरी जानकारी गराइएको हो ।
हरिद्वारा भारतका प्रसिद्ध कथावाचक नवराज प्रपन्नजी महाराजले राम कथा वाचन गर्ने कार्यक्रम रहेको पत्रकार सम्मेलनमा जानकारी दिइयो । सोही अवसरमा २६ जनालाई कृत्रिम खुट्टा वितरण, औषधिरहित जीवन जिउनका लागि सहयोग पु¥याउन सातदिवसीय योग शिविरलगायतका कार्यक्रम आयोजना गरिएको अग्रसेन भवन बिर्तामोडका अध्यक्ष सुरेश कुमार अग्रवाल ‘भद्रपुरे’ले जानकारी दिए ।
२२ गते शुक्रवार विहान ७ बजेदेखि विभिन्न झाँकीसहित मानसग्रन्थ एवम् कलश शोभायात्रा हुनेछ । सोही दिन अग्रसेन भवनको नव निर्मित माथिल्लो तलाको उद्घाटन अग्रसेन भवनका सल्लाहकार जगदीश मिण्डाले गर्नेछन् भने नवनिर्मित कोठासहित हलको उद्घाटन अर्का सल्लाहकार छविलदाश वंसलले गर्ने कार्यक्रम रहेको ‘भद्रपुरे’ले जानकारी दिए ।
त्यस्तै २३ गतेदेखि २९ गतेसम्म हरेक दिन योग शिविर, चैत २५ गते विहान ११ वजेदेखि रक्तदान, २६ गते निःशुल्क कृत्रिम खुट्टा वितरण, ३० लगे राम कथा समापन तथा महाप्रसाद वितरणको कार्यक्रम रहेको प्रचार समितिका दिपक मित्तलले जानकारी दिए ।
महोत्सव सम्पन्न गर्न १५ लाख रुपैयाँ लाग्ने अनुमान गरिएको छ । महोत्सव सफल बनाउन १५ बढी सामाजिक संघ–संस्थाको सहयोग रहने बताइएको छ ।
पत्रकार सम्मेलनमा नेपाल पत्रकार महासंघका उपाध्यक्ष सुव्रत न्यौपानेले सञ्चारमाध्यमले धार्मिक प्रचारप्रसारमा यथेष्ठ सहयोग पुर्याउने प्रतिबद्धता जनाए ।
