विश्वभर छरिएर रहेका झापाली नागरिकहरुको साझा संस्था अन्तर्राष्ट्रिय झापाली समाजको अध्यक्षमा महेन्द्रप्रसाद चम्लागाईं चयन हुनुभएको छ । समाजको आज झापाको बिर्तामोडमा सम्पन्न पाँचौँ अधिवेशनले चम्लागाईंलाई सन् २०२५–२०२७ का लागि अध्यक्षमा सर्वसम्मत निर्वाचित गरेको हो । विगत ३० वर्षदेखि कतारमा व्यवसाय गर्दै आएका झापा बाह्रदशीस्थित डाँगीबारीका चम्लागाईं यसअघि समाजको वरिष्ठ उपाध्यक्ष हुनुहुन्थ्यो ।
यसैगरी, अधिवेशनबाट वरिष्ठ उपाध्यक्षमा दिपक चसडाल–अस्ट्रेलिया, उपाध्यक्षमा नविन पोखरेल–कतार र चूडामणि कार्की–कतार, महिला उपाध्यक्षमा सीता पाण्डे–अमेरिका, महासचिवमा चिरन खवास–बेल्जियम, सचिवमा भवानीप्रसाद कोइराला–कतार र अजय राजवंशी–अस्ट्रेलिया, कोषाध्यक्षमा उमेश पोखरेल–अस्ट्रेलिया र सह कोषाध्यक्षमा रविन गरी सर्वसम्मत चयन हुनुभएको छ । त्यस्तै, क्षेत्रीय संयोजकको रुपमा मध्यपूर्वमा केशव कार्की (कतार), युरोपमा लोकेन्द्र नेपाल (बेल्जियम), ओसिनियामा निरञ्जन प्रसाईं (अस्ट्रेलिया), अमेरिकामा आशिष निरौला (अमेरिका), उपक्षेत्रीय संयोजकको रुपमा मध्यपूर्वमा टिका धिताल (ओमान), युरोपमा प्रकाश गिरी (नेदरल्याण्ड्स) र अमेरिकामा डिल्ली थापा (अमेरिका) सर्वसम्मत चयन हुनुभएको छ । खुला सदस्यमा गोपालप्रसाद आचार्य (साउदी अरेबिया) चयन हुनुभएको निर्वाचन समितिले जनाएको छ । बाँकी सदस्य कार्यसमितिको पहिलो बैठकले मनोनित गर्ने बताइएको छ ।
यसअघि समाजका अध्यक्ष मुकुन्द ढुंगानाको अध्यक्षतामा आयोजित अधिवेशनको झापाका प्रमुख जिल्ला अधिकारी गोपालकुमार अधिकारीले गर्नुभएको थियो भने सञ्चालन महासचिव नविन पोखरेलले गर्नुभएको थियो । समाजअन्तर्गत ४० राष्ट्रिय समिति रहेका छन् । समाजको स्थापना सन् २०१७ मा भएको हो ।
