विर्तामोड । मुख्य रुपमा सहकारीको माध्यमबाट सर्वसुलभ र गुणस्तरीय शिक्षा उपलब्ध गराउने र अन्य वयवसायिक परियोजनासमेत सञ्चालन गर्ने उद्देश्यका साथ झापाको बिर्तामोड–४ मा स्थापित शिक्षा बहुउद्देश्यीय सहकारी संस्थाको नयाँ कार्यसमिति चयन भएको छ भने अन्तिम माइन्युट प्रमाणीकरणसमेत सम्पन्न भएको छ ।
संस्थाको तेह्रौं वार्षिक साधारण सभासँगै भएको अधिवेशनले न्यौपानेको नेतृत्वमा आगामी चार वर्षे कार्यकालका लागि अध्यक्ष पदमा पुनः सुब्रत न्यौपानेलाई सर्वसम्मत चयन गरेको छ । निर्वाचन प्रक्रियामा अध्यक्ष पदमा एकजनाको मात्र उम्मेद्वारी परेपछि न्यौपाने सर्वसम्मत निर्वाचित भएका हुन् ।
संस्थाको उपाध्यक्षमा हेमराज मिश्र र सचिवमा युवराज निरौला निर्विरोध निर्वाचित भएको निर्वाचन समितिका सदस्य डिल्ली दाहालले जानकारी दिए । त्यस्तै, संस्थाको नौ सदस्यीय सञ्चालक समितिको सदस्यमा चिजा राई, अशोक गिरी, तारादेवी गौतम, लक्ष्मीप्रसाद घिमिरे, रोहित काफ्ले र रुपा कोइराला चयन भएका छन् ।
यस्तै, संस्थाको लेखा सुपरिवेक्षण समितिको संयोजकमा सूर्यकुमार खतिवडा, यामनाथ खरेल र लक्ष्मी देवान निर्विरोध निर्वाचित भएका छन् ।
यसअघि सञ्चालक समितिको सचिव रहेका खतिवडा लेखा सुपरीक्षण समिति र लेखा सुपरीवेक्षण समितिका संयोजक रहेका निरौला सञ्चालक समितिमा पुगेका छन् ।
संस्थाको गत कात्तिक २७ गतेदेखि ३० गतेसम्म चार वटा इकाइमा भएको इकाइगत साधारण सभाबाट छनोट भएका २७ जना प्रतिनिधिले अन्तिम माइन्युट प्रमाणीकरण गरेका छन् ।
झण्डै चार हजार शेयर सदस्य रहेको संस्थाको आ. व. ०८१÷०८२ को वासलात रु. २२ करोडबढी छ ।
