झापा । निजामती कर्मचारीहरुले सफलतापूर्वक सञ्चालन गर्दै आएको राष्ट्रसेवक बचत तथा ऋण सहकारी संस्था झापाको आगामी चारवर्षे कार्यकालका लागि भद्रपुरका लक्ष्मीप्रसाद गरागाईं सर्वसम्मत चयन भएका छन् ।
आज सम्पन्न संस्थाको २६ औं वार्षिक साधारणसभाले गुरागाईंको अध्यक्षतामा ९ सदस्यीय सञ्चालक समिति र तीन सदस्यीय लेखा सुपरीवेक्षण समिति सर्वसम्मत चयन गरेको हो ।
निर्वाचन समितिका संयोजक कृष्णप्रसाद शर्माका अनुसार आवश्यक पदमा एक–एकजनाको मात्र उम्मेद्वारी मनोनयन दर्ता भएपछि सबै पदाधिकारी–सदस्य सर्वसम्मत निर्वाचित भएको घोषणा गरिएको जानकारी दिए ।
निर्वाचन समितिका अनुसार सञ्चालक समितिको उपाध्यक्षमा तेजिन्द्र नेउपाने, सचिवमा शेषराज पौडेल, कोषाध्यक्षमा कृष्ण रुचाल र सदस्यमा भीमा भट्टराई, जीवनकला राउत, मन्दिरा श्रेष्ठ, राजेन्द्र प्याकुरेल र रामचन्द्र .मिश्र चयन भएका छन् भने लेखा सुपरीवेक्षण समितिको संयोजकमा घनेन्द्रप्रसाद ढकाल तथा सदस्यमा सुरेश भट्टराई र सुवासकुमार विक चयन भएका छन् ।
सहकारीका अध्यक्ष वशिष्ठ अधिकारीको अध्यक्षता तथा नेपाल निजामती कर्मचारी संगठनका केन्द्रीय महासचिव रामचन्द्र अधिकारीको प्रमुख आतिथ्यमा सम्पन्न साधारणसभामा अध्यक्ष अधिकारीले वार्षिक प्रगति प्रतिवेदन प्रस्तुत गरेका थिए । त्यस्तै लेखा सुपरीवेक्षण समितिका सदस्य बाबुराम पोखरेलले लेखा समितिको प्रतिवेदन प्रस्तुत गरेका थिए ।
सो अवसरमा आफ्नो कार्यकालमा उत्कृष्ट कार्य गरेकोमा सञ्चालक समितिका अध्यक्ष वशिष्ठ अधिकारी, सचिव नवराज पोखरेल, सहसचिव सीत गुरागाईं, सदस्य भोजप्रसाद पौडेललाई सम्मान गरिएको थियो भने संस्थाका व्यवस्थापक अनुज खतिवडा र सह लोखापाल नुतन पौडेललाई पुरस्कारसहित प्रशंसा पत्रद्वार सम्मान गरिएको थियो । उपाध्यक्ष डिल्ली ढकालले स्वागत गरेको साधारणसभाको सञ्चालन सचिव नवराज पोखरेलले गरेका थिए ।
नवनिर्वाचित सञ्चालक समिति र लेखा सुपरीवेक्षण समितिले आजै सपथ ग्रहण गरेको छ ।
