मारवाडी महिला मञ्च विर्तामोड अध्यक्षमा निलम अग्रवाल

झापा । मारवाडी महिला मञ्च र मारवाडी युवती मञ्च विर्तामोडको संयुक्त  साधारणसभा तथा अधिवेशन मारवाड़ी सेवा समिति विर्तामोडको सभाहलमा शनिबार सम्पन्न भएको छ।

मञ्चकी अध्यक्ष निलम अग्रवालको अध्यक्षतामा सम्पन्न कार्यक्रममा महिला मञ्चको प्रगति र आर्थिक प्रतिवेदन सचिव निर्मला अग्रवालबाट र मारवाडी युवती मञ्चको प्रगति र आर्थिक प्रतिवेदन संयोजक रिचा मंगलबाट प्रस्तुत गरिएको थियो ।

मारवाड़ी महिला मञ्चकी पूर्व अध्यक्ष रेणु मंगलको प्रमुख आतिथ्यतामा सम्पन्न सभामा नेपाल राष्ट्रिय मारवाड़ी परिषदका केन्द्रीय सचिव उमेश डालमिया, मारवाड़ी सेवा समिति विर्तामोडका संस्थापक अध्यक्ष वेदप्रकाश अग्रवाल, मारवाडीड सेवा समिति विर्तामोडका अध्यक्ष विजयकुमार गोयल र मारवाडी महिला मञ्च विर्तामोडकी संस्थापक संयोजक मायादेवी अग्रवालको विशेष आतिथ्यता रहेको थियो।

मञ्चको अधिवेशनबाट आगामी दुईवर्षे कार्यकालको लागि निलम अग्रवाल पुनः निर्विरोध चयन भएकी छिन् । मञ्चको प्रथम उपाध्यक्षमा निर्मला अग्रवाल, द्वितीय उपाध्यक्षमा मुनमुन अग्रवाल, सचिवमा रिचा मंगल, कोषाध्यक्षमा सोनु अग्रवाल, सह कोषाध्यक्षमा कमला अग्रवाल, साँस्कृतिक सचिवमा पिंकी कानोडिया र कान्ता अग्रवाल तथा सदस्यमा सारिका अग्रवाल,अञ्जना सरिया, सोनी अग्रवाल, खुश्बु मन्त्रि गोयल, बबली अग्रवाल र खुश्बु जैन भएको निर्वाचन समितिकी संयोजक रीता चितलाँगियाले जानकारी दिइन् । सहसचिवको चयन कार्यसमितिको बैठकबाट गरिनेछ ।

मञ्की सचिव निर्मला अग्रवालले ससञ्चालन गरेको कार्यक्रममा वेदप्रकाश अग्रवाल, उमेश डालमिया, रेणु मंगललगायते शुभकामना मन्तव्य राखेका थिए ।
कार्यक्रममा नेपाल राष्ट्रिय मारवाड़ी परिषद, मारवाडी सेवा समिति, मारवाडी युवा मञ्च, अग्रसेन भवन, नेपाल अग्रवाल महिला मञ्च लगायतका संस्थाका पदाधिकारी–सदस्यहरूको सहभागिता थियो ।

यही समारोहबाट युवती मञ्च महिला मञ्चमा समाहित भएको घोषणा गरिएको थियो ।

Leave a Reply

Your email address will not be published. Required fields are marked *