झापा । झापाको मेचीनगर नगरपालिका–१५ ज्यामिरगढीस्थित भगवती लेमिनेट्स प्लाईउड उद्योगमा भीषण आगलागी भएको छ ।
उद्योगमा आज बिहान सवा ५ बजेबाट आगलागी शुरु भएको हो । आगो अझै नियन्त्रणमा आएको छैन । जिल्लाका एक दर्जन दमकल, नेपाली सेना, सशस्त्र प्रहरी, नेपाल प्रहरी र स्थानीयबासी आगो नियन्त्रणका लागि खटिइरहेका छन् ।
उद्योगको पश्चिमपट्टिको भाग जलिरहेको र अन्य भागमा समेत आगो फैलिइरहेको हुँदा क्षतिको विवरण आउन बाँकी रहेको जिल्ला प्रहरी कार्यालय झापाका प्रहरी उपरीक्षक मिलन केसीले जानकारी दिए । आगलागीको कारण थाहा हुन नसकेको उनले बताए ।
उक्त उद्योगले प्लाईउडबाट विभिन्न सामान उत्पादन गर्दै विदेश निकासी गर्दै आएको थियो । उद्योगमा १४ सय मजदूर कार्यरत छन् ।
