झापा । झापाको मेचीनगर १४, दुहागढीस्थिते श्रीकृष्ण प्राथमिक विद्यालयका विद्यार्थीलाई पोशाक वितरण गरिएको छ ।
बुधबार एक संक्षिप्त कार्यक्रमका बीच मेचीनगर–१४ मा रहेको आपसी समाज बचत तथा ऋण सहकारी संस्थाले विद्यार्थीलाई विद्यालय पोशाक वितरण गरेको हो ।
सहकारीका अध्यक्ष शरद शिवाकोटी, उपाध्यक्ष शान्ता राउतलगायतले विद्यालयका प्रधानध्यापक सीताराम थापा र विद्यालय व्यवस्थापन समितिका अध्यक्ष अनिल ढुङ्गानालाई पोशाक हस्तान्तरण गरेका हुन् ।
सामाजिक उत्तरदायित्व वहन गर्दै विपन्न सामुदायका बालबालिका अध्ययनरत विद्यालयलाई सहयोग गरिएको संस्थाका अध्यक्ष शिवाकोटीले बताए ।
६० जना विद्यार्थीलाई सहकारीले हाउस ड्रेस वितरण गरेको हो । विपन्न विद्यार्थी अध्ययनरत विद्यालयमा सहयोग गरेको भन्दै विद्यालय व्यवस्थापन समितिका अध्यक्ष अनिल ढुङ्गानाले संस्थालाई धन्यवाद दिए ।
कार्यक्रममा सहकारी संस्थाका सचिव यमुना रिजाल, कोषाध्यक्ष, भुपेन्द्र पौडेल, सदस्य फूलमाया पोखरेल, कमला मिश्र, नरमाया कँडरिया, कर्मचारी सृजना घिमिरे सुवेदीलगायतको सहभागिता थियो ।
कार्यक्रमक संस्थाका अध्यक्ष शिवाकोटी, मेचिनगर १४ की वडा सदस्य फूलकुमारी राजवंशी, निवर्तमान वडाध्यक्ष शंकरप्रसाद पोखरेललगायतले मनतब्य राखेका थिए ।
वि. सं. २०२४ सालमा स्थापना भएको विद्यालयमा ९६ जना विद्यार्थी अध्ययनरत छन् ।
